Wieder mal ein schweizerdeutsches Gedicht für alle, die es gerne urchig haben…
S’Dorli liidet wenn’s am Morge
chum isch’s wach in Spiegel luegt
„Nei au!“ dänkts und äs het Sorge
wie’s in 10 Johr usgseh tuet!
Es stört sich a sim müede Blick
obwohl’s doch wach si wett
und dass es dicki Tränesäck
unter de Auge hett
Leider isch’s scho Johre so
und jedes Johr wirds schlimmer
kei Mittel mag dem Makel bcho
kei Cremä – was au immer
„Ich glaube bald,“ seits, „es isch gschiider
ich mach ä Schönheitsopration
und straffe doch die schlaffe Lider
denn gfall mer wieder und bi schön!“
Mit der Idee am gliiche Tag
isch’s zume Fründ no gange
und het ihm sini ganzi Plag
verzellt und sis Verlange
Er hets verstande und sich gfreut
dass ER do chan beroote
und s’Dorli hets gar nie bereut
will er het ihm verrote
dass äs nur öppis straffe muess
nur sis sälbschtbewusste Si
wer weiss, wies use chiem am Schluss
wär gäb ihm Garantie?
Wenn äs würd d’Auge lifte lo?
Nei, behüet au Gott!
Äs sig so hübsch und gnau eso
isch äs, wien er ihns wott
Mei, het das em Dorli gwohlet
liebi Wort, das tuet so guet
sini Sorg isch abedrohlet
wie ne Stei vom Härz und furt!
Sithär lueget mängisch bedi
zäme ine Spiegelwand
Är seit: „Pass uf, als Spiegel red i
du bisch die Schönscht im ganze Land!“
brigwords 
Da list sich fascht wie Baseldytsch… aber nur facht 😉
scheen isch es trotzdäm! 😂
LikeGefällt 1 Person
I han halt scho bitz es Duurenand nach 30 Johr Rhintl 😂
LikeLike
Ein guter Spiegel spricht wahr. Wobei die Wahrheit auch schön und angenehm sein darf, vielleicht sogar ein klein wenig aufgehübscht!
LikeGefällt 1 Person
Klar doch 👍😊
LikeLike
Dorli möchte ich gern in meinem Freundeskreis haben … 😉
LikeGefällt 1 Person
einen so schönen Kommentar hat Dorli noch nie erhalten 🙂
LikeLike
Liebe Brig, das ist ein herzerfrischendes Gedicht – in jeder Beziehung. Ich musste lächeln und habe mich sehr gefreut. Danke und ganz liebe Grüße, Elisa
LikeGefällt 1 Person
Das freut mich Elisa 😀Danke vielmals
LikeGefällt 1 Person
Übersetzung: Seitdem blicken sie zur selben Zeit
zusammen in die Spiegelwand.
Er sagt: „Pass auf, ich spreche wie ein Spiegel
Du bist die Schönste im ganzen Land!“
Ein sehr schönes Gedicht! Liebe Grü´´ße an Dich und ein schönes Wochenende wünscht Gisela
LikeGefällt 1 Person
Kleine Korrektur 😊Seitdem schauen manchmal beide zusammen in eine Spiegelwand…
Danke für das Kompliment liebe Gisela 🙏🌹
LikeLike
Spiegelwand = Spielwand ? 🤔
LikeLike
Habs korrigiert 🤪
LikeGefällt 1 Person