Was hesch ächt no dänkt
die letschte Sekunde
im letschte Momänt
uf dr Ärde unde?

Du hesch di so gfreut,
dass es dir besser goht
i ghör di s'no säge
und jetzt bisch tot

Wiit wäg han i s'Gfühl, 
bisch wiit wiit furt
Weisch ächt und gspürsch
wie's mer Kehle zueschnüert?

Wie weh, dass mer‘s tuet
dass du bisch gange
und wie schwer all das wiegt
wo isch bliibe hange?

Weisch du, wie sehr
i di all Tag vermisse
und wie mi de Schmärz mängisch
fasch wett verrisse

Chumm doch chli nöcher
i wünscht i mir so
dass i chönnti gspüre
bisch no es wie do

Du würdisch mi gseh, 
und würdsch di verbinde
mit mir, liebä Götz
en Wäg zu mir finde

I wünschti mir 
I chönnti dir  säge 
wie leid mer alls tuet
und wie gern würdi di

nomol träffe, 
gäll, wartisch uf mi