am Morge früeh…

Am Morge früh bin i verwache

vom a Traum und han denn welle

no bevor i Kaffi mache

em Maa die ganzi Gschicht verzelle

 

dezue muess i no schnäll erwähne

dass es Winterzyt isch gsi

und i mit em warme Pischi

guet ipackt go schloofe bi

 

im Traum do bini mit em Bus

in d’Stadt, will i ha gfunde

s’Bescht, i gang will’s chalt isch duss

in d’Sauna es paar Stunde

 

i will verzelle was passiert

und has grad welle säge

do luegi plötzlich chli verstört

und au ä chli verläge

 

i bi jo nackend bis uf d’Huut

im Bett und ummi umme

hani, dass i nid so blutt

es Badtuech ume g’schlunge

 

de Maa lacht luut und mir isch grad

vor Schreck de Traum devo

i glaube nümm…. ach isch das schad

dass er wird umcho